តើ​.! ម្តាយ និង​ប្អូនប្រុស​បង្កើត ដូច​ការ​ចោទ ប្រកាន់​ពីបទ​ផ្សំគំនិត ក្លែង​ឯកសារ​យក​ដីធ្លី​របស់​​អ្នកស្រី នួន ស្រី អស់​ពាក់កណ្តាល​ដែល​ឫ​ទេ​…!!!

ក្រុង​ប៉ោយប៉ែត​៖ អ្នកស្រី​ឈ្មោះ នួន ស្រី បាន​ចោទប្រកាន់​ឪពុក​-​ម្តាយបង្កើត​ថា​៖  ពី​បទ​ផ្សំគំនិត​ជាមួយ​ប្អូនប្រុស​របស់​បង្កើត ក្លែង​ឯកសារ​ដីធ្លី​របស់​គាត់​អស់​ពាក់កណ្តាល ខណៈ​ដែល​អ្នកកាសែត ចុះ​យក​ព័ត៌មាន នៅ​ចំណុច​ខាងលើ បាន​សាកសួរ​ទៅកាន់​បុរស​ឈ្មោះ នួន យាន ដល់​ចំណុច​រសើប ស្រាប់តែ​បុរស​ជា​ប្អូន​ដែល​ជាប់​ការចោទប្រកាន់​យក​ដី​បងស្រី​នោះ ច្រឡោត​បោះ​ពាក្យសម្តី យ៉ាង​កំ​រ៉ោល និង​បាន​ជេរប្រមាថ ដល់​ក្រុម​អ្នក​សារ ព័ត៌មាន ពី​រូប​ថា​៖ ពួក​អា​អ្នកកាសែត​ពុករលួយ ពួក​អា​អ្នក​សែត​អាចម៍ៗ ព្រោះ​មានជេត​នា​បង្វែរដាន់ រឿង​ផ្សំគំនិត​ជាមួយ ឪពុក​-​ម្តាយ បង្កើត យក​ដី​បងស្រី​បង្កើត អស់​ពាក់កណ្តាល​
​ដែល​ខំ​លាក់បាំង​អស់​រយៈពេល​ជាច្រើន​ឆ្នាំ ត្រូវបាន​បងស្រី​បង្កើត​ទំលាយ​រឿង អោយ​អ្នកសារព័ត៌មាន បានដឹង​ក្នុង​ថ្ងៃទី​០៨ ខែ​កុម្ភៈ ឆ្នាំ​២០១៩ ម្សិលមិញ​នេះ​។​

​ក្នុងករណី​រឿង​សារព័ត៌មាន​ពី​រូប​នេះ​ដែល​បណ្តាល​អោយ​អ្នកសារព័ត៌មាន ជាច្រើន​ស្ថាប័ន កើតទុក្ខ​មិន​សុខចិត្ត បាន​នាំ​គ្នីគ្នា​ទៅប្តឹង នៅ​ប៉ុស្តិ៍​នគរបាល​ប៉ោយ​ប៉ែត អោយ​ជួយ​រក​យុត្តិធម៌ ទើប​បង្ក​ការភ្ញាក់ផ្អើល​ទាំង យប់ បែកធ្លាយ​ដល់​មន្ត្រីនគរបាល​ខេត្ត​បន្ទាយ​មាន ជ័យ កាលពី​ថ្ងៃ​ទី​០៨ ខែ​កុម្ភៈ ឆ្នាំ​២០១៩ ។​

​អ្នកស្រី នួន ស្រី អាយុ​៥២​ឆ្នាំ បច្ចុប្បន្ន​រស់នៅ​ភូមិ​បា​លិលេ​យ្យ​១ សង្កាត់ និង​ក្រុង​ប៉ោយ​ប៉ែត បាន​រៀបរាប់​ប្រាប់​ក្រុម​អ្នកសារព័ត៌មាន នៅ​ព្រ​ថ្ងៃទី​៩ ខែ​កុម្ភៈ​ឆ្នាំ​២០១៩ នេះ​ថា​៖ មូលហេតុ​ដែល​នាំ​អោយ​ផ្ទុះ​រឿង​នេះ​កើតឡើង គឺ​ផ្តើមចេញ​ពី​ម្តាយបង្កើត​របស់​គាត់​ឈ្មោះ ហួ ហេង អាយុ​៨២​ឆ្នាំ បាន​ផ្សំគំនិត​ជាមួយ​ប្អូនប្រុស​របស់​អ្នកស្រី ឈ្មោះ នួន យាន ដោយ​យក​លិខិត​ផ្ទេរ​សិទ្ធ​ដីធ្លី​របស់​គាត់​កាប់ ដែល​មាន​ទំហំ​ដី ៤០០​ម៉ែត្រការ៉េ ស្មើ​២០×២០​ម៉ែត្រ ស្ថិតនៅក្នុង​ភូមិ​ចាន់គិរី សង្កាត់ និង​ក្រុង​ប៉ោយ​ប៉ែត ដោយ​យ​កផ្លង​ដី​កម្មសិទ្ធ​របស់​អ្នកស្រី ទៅ​បំបែក​ជា​២​ស្មើរ​១០×២០​ម៉ែត្រ​។​

​អ្នកស្រី​បាន​បន្ត​អោយដឹងទៀតថា​៖ រូបគាត់​បាន​ទិញ​ដី​ទុក កាលពី​ឆ្នាំ​២០០០ រូបគាត់​បាន​ប្រមូល​លុយ​ផ្ទាលខ្លួន​ដើម្បី​មក​ទិញ​ដី​នៅ​ចំណុច​ដែល​ខ្លួន​បាន​រៀបរាប់​ខាងលើ ក្នុង​តំលៃ​ជាង​១៨០០០​បាត ដោយ​ទិញ​បាន​មួយ​ឆ្នាំ ក្រោយមក​គឺ​ក្នុង​ឆ្នាំ​២០០១ អ្នកស្រី នួន ស្រី ក៏​បាន​ហៅ​ម្តាយ​គាត់​មក​រស់នៅ​ដោយ​ទុកចិត្ត​ម្តាយ​និង​ប្អូន ក៏​បាន​ផ្ញើរ​ប្លង់​ដី​នៅ​ហ្នឹង​ម្តាយ​ទៅ​តាំងពី​ពេលនោះ​មក​។ តែ​អ្វី​ដែល​ហួសចិត្ត​នោះ គឺ​នៅក្នុង​២០០៩ អ្នកស្រី នួន ស្រី រកស៊ី​ក្ស័យធន ត្រូវការ​ខ្ចីប្រាក់​ពី​ធនាគារ ទើប​អ្នកស្រី​សួរ​ទៅ​ម្តាយ​គាត់ ម្តាយ​ក៏​បាន​ប្រាប់ថា​៖ ប្លង​ដែល​ផ្ញើរ​នោះ បាន​បាត់​ហើយ​គាត់​ក៏​បាន​បំបែក​ក្បាលដី ដែល​មាន​ទំហំ​ដី ២០×២០ ម៉ែត្រ ក្លាយទៅជា​ពី​គឺ​ទំហំ​ក្បាលដី​១០×២០ ម៉ែត្រ ទៅ​អោយ​ប្អូន​ទី​២​ឈ្មោះ នួន អុក ដើម្បី​យក​ដាក់​ធនាគារ​សិន ខ្ចីប្រាក់ ពេលនោះ​ដោយសា​អង្ករ​ក្លាយ​បាយ ណាមួយ​ម្តាយ​មាន​ជំងឺខ្សោយបេះដូង​ទើប​ខ្ចិល​និយាយ តែ​អ្នកស្រី​មិន​បាន​ផ្ទេរសិទ្ធិ​ឬក៏​ផ្តិតមេដៃ ប្រគល់​អោយ​ទេ​។​

​លុះ​មកដល់​រសៀល​ថ្ងៃទី​០៨ ខែ​កុម្ភៈ​ឆ្នាំ​២០១៩ ស្រាប់​ឈ្មោះ នួន យី​ប ជា​ប្អូនប្រុស​ពៅ បាន​ទូរស័ព្ទ​ហៅ​អ្នកស្រី អោយ​មក​ផ្ទេរ​សិទ្ធ​ដីធ្លី​នេះ អោយ​រូបគេ​ជា​កូនពៅ និង​ឈ្មោះ​នួន យាន ជា​បង​ទី​៥ ពេល​នោះ​ធ្វើអោយ​អ្នកស្រី​មាន​ការភ្ញាក់ផ្អើល​យ៉ាងខ្លាំង ហើយ​បាន​ហៅ​អ្នកកាសែត​០២​រូប ទៅ​ជួយ​ពិនិត្យ មើល​ផន​លង​ដី មាន​ភាពមិនប្រក្រតី តែ​បែ​មាន​ផ្ទុះ​ជម្លោះ​ពាក្យសំដី និង​ប៉ុនប៉ង​ប្រើ​អំពើរហឹង្សា​ដាក់​អ្នកសារព័ត៌មាន​ថែម​ទៀតផង​។

​គូសបញ្ជាក់ថា​៖ លោក សេង ចាន់​ឌី មេភូមិ​ចាន់គិរី ដែល​ជំពាក់​វា​ក់វិន ហើយ​រង​ការ​ចោទ ប្រកាន់​ពី​អ្នកស្រី នួន ស្រី ថា​៖ បាន​ផ្សំគំនិត​ក្លែងបន្លំ​ឯកសារ​សាធារណៈ កាត់​ប្លង់​របស់​គាត់​១០×២០​ម៉ែត្រ អោយ​ទៅ​ម្តាយ​ឪពុក​របស់​គាត់ និង​ផ្ទេរ​ទៅ​អោយ​ប្អូនៗ​បន្តកាន់កាប់​លើដី​នោះ បន្ទាប់​មក​សារព័ត៌មាន សុំ​ការបកស្រាយ​បំភ្លឺ ពី​លោក​មេភូមិ លោក​បាន​ឆ្លើយ​បង្វែរ​សាច់​រឿង​ថា​៖ លោក​មិន​បានដឹង​ច្បាស់​ទេ ព្រោះ​រឿង​នេះ កើតឡើង​មុនពេល​លោក​កាន់​ជា​តំណែង​ជា​មេភូមិ តែ​តាម​ការ​អោយ​ដឹង​ដី​នេះ​មានឈ្មោះ ស យ៉េន និង​ឈ្មោះ ហួ ហេង ដែល​ជា​ឪពុក​ម្តាយ បាន​ធ្វើ​ប្លង់​បំបែក​ក្បល​ដី​ក្នុង​ឆ្នាំ​២០០៧​។

​ចំណែក​អ្នកស្រី នួន ស្រី ទើប​ធ្វើ​ផ្លង់​នៅក្នុង​ឆ្នាំ​២០០៩ តែ​បែ​ជា​ឈ្មោះ នួន ស្រី មក​អះអាង​ថា​៖ ជា​ដី​គាត់​ទៅ​វិញ ហើយ​អួត​ប្រាប់​សារព័ត៌មាន​ថា​៖ អ្នក​ខាង​ណា ក៏​ដឹង​ថា​៖ ដី​នេះ​ជា​ដី​របស់​គាត់​ដែល ចំណែក​ខាង​អជ្ញាធរ មិនទាន់​បាន​ធ្វើការ​ស៉ើបអង្កេត អោយបាន​ច្បាស់លាស់​នៅឡើយ ហើយ​ខាង​សារព័ត៌មាន ជាច្រើន​ស្ថាប័ន ក៏​មិន​ហ៊ាន​សន្និដ្ឋានថា​៖ ដី​កម្ម​សិទ្ធ ខាង​ណា​អោយ​ពិតប្រាកដ​នៅឡើយ​ទេ ហើយ​លោក​មេភូមិ​បាន​បញ្ជាក់ទៀតថា​៖ ជម្លោះ​ក្នុង​គ្រួសារ​បែប​នេះ​ឯង គួរតែ​ភាគី​ទាំងអស់​ធ្វើ​ការសម្រុះសម្រួល​គ្នា​ប្រសើរ​ជាង​ប្តឹង​គ្នា​ទៅ​តុលាការ​។​

​ពាក់ព័ន្ធ​និង​រឿង​ជម្លោះ​ដីធ្លី ក្នុង​គ្រួសារ​បង្កើត​នេះ មិន​បាន​ស្ងប់ស្ងាត់​ទេ ខណៈ​នេះ​មន្ត្រីនគរបាល ខេត្ត​បន្ទាយមានជ័យ បាន​កំពុងតែ​យកចិត្តទុកដាក់​ស្រាវជ្រាវ លើ​បញ្ហា​ការ​ក្លែង បន្លំ​ឯកសារ ស្នាម​មេដៃ​ផ្តិត​លើ​ផ្លង់​នេះ និង​បាន​អោយ​សារ​មី​ខ្លួន​ទៅ​ធ្វើ​កោសល្យវិច័យ បើសិនជា​សមត្ថកិច្ច​ជំនាញ​ខេត្ត រកឃើញថា​៖​មានការ​ក្លែងបន្លំ​ស្នាម​មេដៃ​មែន​នោះ ច្បាស់​ជា អ្នក​ជាប់​ពាក់ព័ន្ធ​ក្នុង​រឿង ក្លែងបន្លំ​ឯកសារ​ដី​នេះ និង​ជាប់​ដូច​ត្រី​ចង្អើ អោយ​ខាន​តែ​បាន ទៅតាម​នីតិវិធី​៕

 

Filed in: ខេត្តបន្ទាយមានជ័យ

Recent Posts

Bookmark and Promote!

© 2019 ឆន្ទៈខ្មែរ | Chhantak Khmer News. All rights reserved. XHTML / CSS Valid.
error: Content is protected !!