ទាន់ហេតុការណ៍
​ឧត្តមសេនីយ៍ឯក រ័ត្ន ស្រ៊ាង បើកសម្ពោធ​ឲ្យ​ដំណើរកា​រ​បន្ទប់​ពិនិត្យ និង​ព្យាបាល​មាត់​ធ្មេញ កងរាជអាវុធហត្ថ​រាជធានី​ភ្នំពេញ ==> លោក គី វី​រិន្ទ ត្រូវបាន​ប្រកាស​ជា​ផ្លូវការ ជា​ប្រធាន​មន្ទីរ​សាធារណការ និង​ដឹកជញ្ជូន​ខេត្តសៀមរាប ==> រដ្ឋបាល​ខេត្ត​កែប បើក​កិច្ចប្រជុំ​រៀបចំ​យន្តការ​សម្របសម្រួល​កា​រ​ប្រឡង​សញ្ញាបត្រ​មធ្យមសិក្សា​ទុតិយភូមិ​ ==> ​ឯកឧត្តម បណ្ឌិត ហ៊ុន ម៉ា​ណែ​ត អញ្ជើញ​ជា​គណៈអធិបតី ក្នុង​ពិធី​បញ្ចុះ​ខណ្ឌសីមា និង​សម្ពោធ​សមិទ្ធផល​នានា នៅ​វត្ត​ពោធិ៍​រាជ​លំ​ពូ ស្ថិតក្នុង​ស្រុក​កំពង់ត្រាច​ ==> កិច្ចប្រជុំ​ត្រៀម​រៀបចំ​ការប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​២០១៩ នៅ​ខេត្ត​កំពត​ ==> ​លោក ម៉ែន វិបុល អភិបាល នៃ​គណៈ​អភិបាលខេត្ត​ស្វាយរៀង ដឹកនាំ​កំលាំង​ចុះជួយ​ស្ទូងស្រូវ និង​ចែក​គ្រាប់ពូជ​កសិផល ដល់​ប្រជា​សហគមន៍​កសិកម្ម​! ==> មន្ទីរ​សាធារណការ និង​ដឹកជញ្ជូន​ខេត្ត​ព្រះវិហារ នៅតែ​បន្ត​សកម្មភាព​ការងារ​ថែទាំ ជួសជុល​ផ្លូវថ្នល់​តាម​តំបន់​នានា ក្នុង​ភូមិសាស្ត្រ​ស្រុក​មួយចំនួន ! ==> ​សម្តេច​ពញា​ចក្រី ហេង សំរិន ចូល​បច្ច័យ​ចំនួន ៤០​លាន​រៀល សម្រាប់​កសាង​កុដ នៅ​វត្ត​ក្រ​ញ៉ូង និង​វត្ត​ព្រះ​លាន​ព្រះ ក្នុង​ខេត្ត​ត្បូងឃ្មុំ​ ==> ក្រសួង​កិច្ចការនារី​ចែក​អំណោយ​មនុស្សធម៌ ដល់​ពលរដ្ឋ​ក្រីក្រ ចំនួន ២០០​គ្រួសារ ក្នុង​ក្រុង​ប៉ៃលិន​ ==> អភិបាលខេត្ត​តាកែវ អំពាវនាវ​ដល់​ម្ចាស់ផ្ទះ​សំណាក់ អាហា​រដ្ឋា​ន និង​ភោជនីយដ្ឋាន​នានា កុំ​ដំឡើងថ្លៃ​ពេល​ប្រឡង​បាក់​ឌុប​

​តំបន់​គ្រប់គ្រង​ជលផល​សមុទ្រ​ទាំង​លើ​ផ្ទៃដី និង​ក្នុង​ទឹក​នៅ​ខេត្ត​កែប ត្រូវបាន​បង្កើតឡើង ជាង​មួយ​ម៉ឺន​ហិកតា​

​ខេត្ត​កែប ៖ អំឡុង​ពេល​នេះ​អាជ្ញាធរ​ខេត្ត​កែប បាន​ចាប់ផ្តើម​អនុវត្ត​គម្រោង​បង្កើត​តំបន់​គ្រប់គ្រង​ជលផល​សមុទ្រ​នៅ​ប្រជុំ​កោះ​២ គឺ​កោះ​ពោធិ៍ និង​កោះទន្សាយ​ដើម្បី​ជួយ​ជំរុញ​វិស័យ​ទេសចរណ៍ ក៏ដូចជា​អភិរក្ស​ធនធាន​សមុទ្រ​ប្រកបដោយ​និរន្តរភាព​។​

​លោក ភិន ផល្លា នាយរង​ខណ្ឌ​រដ្ឋបាល​ជលផល នៃ​មន្ទីរ​កសិកម្ម រុក្ខា​ប្រមាញ់ និង​នេសាទ​ខេត្ត​កែប បាន​រៀបរាប់​ថា អាជ្ញាធរ​ខេត្ត​កែប​ចាប់ផ្តើម​រៀបចំ​បង្កើត​គណៈកម្មកា​រ​ចំនួន​២ សម្រាប់​អនុវត្ត​គម្រោង​បង្កើត​តំបន់​គ្រប់គ្រង​ជលផល​សមុទ្រ​លើ​ផ្ទៃ​ដី​និង​ទឹក​ទំហំ​១១.៣០៧​ហិកតា ដោយ​គម្រោង​នេះ​ក្រសួង​កសិកម្ម រុក្ខាប្រមាញ់​និង​នេសាទ​បាន​សម្រេច​តាំងពី​ឆ្នាំ​២០១៨​កម្ល​ង​មកហើយ​។​

​លោក​នាយ​រង​ខណ្ឌ​បាន​បន្តថា គណៈកម្មការ​២ ដែល​នឹង​មាន​កម្លាំង​ចម្រុះ​ចូលរួម​នោះ គឺ​សម្រាប់​អនុវត្ត​គម្រោង​ទាំងមូល​ចាប់ពី​ឆ្នាំ​២០១៩​នេះ​តទៅ​។ ក្នុងនោះ​កិច្ច​ការងារ​ដែល​ត្រូវ​បំពេញ​ដូច​ជា​ការ​យាម​ល្បាត​តាម​សមុទ្រ កំណត់​ទីតាំង បង្ក្រាប​បទល្មើស​នេសាទ បទល្មើស​បំផ្លាញ​ធនធាន​សមុទ្រ និង​ការងារ​មួយចំនួនទៀត​។ តំបន់​គ្រប់គ្រង​ជលផល​សមុទ្រ​កែប​ដែល​ទើបនឹង​បង្កើត​នេះ​បាន​បែងចែក​ជា​តំបន់​ធំៗ​ចំនួន​៤ រួមមាន​៖ កន្លែង​សម្រាប់​អភិរក្ស​ជលផល កន្លែង​ការពារ​ធនធាន​ជលផល កន្លែង​ដែន​ជម្រក​សុវត្ថិភាព​ជលផល និង​ជា​កន្លែង​អេកូ​ទេសចរណ៍​បាតសមុទ្រ​។​

​លោក​ភិន ផល្លារ បានបញ្ជាក់​ថា តំបន់​គ្រប់គ្រង​ជលផល​សមុទ្រ​កែប​មាន​វិសាលភាព​គ្របដណ្តប់​ទៅ​លើ​ផ្ទៃ​សមុទ្រ នៃ​តំបន់​កោះ​ជាច្រើន ក្នុង​ភូមិសាស្ត្រ​ដែន​នេសាទ​ខេត្ត​កែប ដែល​សម្បូរ​ទៅដោយ​ផ្កា​ថ្ម ថ្ម​ប៉ប្រះ​ទឹក ស្មៅ​សមុទ្រ ព្រៃកោងកាង និង​ជម្រក​ធនធាន​ជលផល​សំខាន់ៗ​ផ្សេងៗ​ទៀត​សម្រាប់​ផ្តល់​ជម្រក​ដល់​មច្ឆជាតិ​គ្រប់​ប្រភេទ​បាន​បន្ត​ពូជ​។ ការបង្កើត​តំបន់​គ្រប់គ្រង​ជលផល​សមុទ្រ​កែប​នេះ​មាន​អត្ថប្រយោជន៍​ក្នុង​ការរួមចំណែក​ជំរុញ​វិស័យ​ទេសចរណ៍ ការវិនិយោគ​នៅ​តំបន់​កោះ​ក្នុង​ខេត្ត​កែប និង​អភិរក្ស​ធនធាន​ជលផល​សមុទ្រ​សំខាន់​គឺ​ក្តាមសេះ ដែល​បាន​និង​កំពុង​មាន​ឈ្មោះ​ល្បីល្បាញ​ឱ្យបាន​គង់វង្ស​សម្រាប់​ប្រជាពលរដ្ឋ​នេសាទ ដើម្បី​លើកកម្ពស់​ជីវភាព​រស់​នៅ​ប្រកបដោយ​និរន្តរភាព​។​

​សូមបញ្ជាក់​ថា ខេត្ត​កែប​មុខព្រួញ​សេដ្ឋកិច្ច​សំខាន់​បំផុត​នោះ​គឺ​វិស័យ​ទេសចរណ៍​និង​ការនេសាទ​សមុទ្រ​។​ដូច្នេះ​ការបង្កើត​តំបន់​គ្រប់គ្រង​ជលផល​សមុទ្រ​នេះ​ជា​រឿង​សំខាន់បំផុត ដើម្បី​ជួយ​ខេត្ត​កែប​ឱ្យ​កាន់តែ​មាន​ការអភិវឌ្ឍ​រីកចម្រើន​បន្ថែម​ទៀត​៕
​សេង ណា​រិទ្ធ​

Filed in: ខេត្តកែប

Recent Posts

Bookmark and Promote!

© 2019 ឆន្ទៈខ្មែរ | Chhantak Khmer News. All rights reserved. XHTML / CSS Valid.
error: Content is protected !!