ទាន់ហេតុការណ៍
​ឧត្តមសេនីយ៍ឯក រ័ត្ន ស្រ៊ាង បើកសម្ពោធ​ឲ្យ​ដំណើរកា​រ​បន្ទប់​ពិនិត្យ និង​ព្យាបាល​មាត់​ធ្មេញ កងរាជអាវុធហត្ថ​រាជធានី​ភ្នំពេញ ==> លោក គី វី​រិន្ទ ត្រូវបាន​ប្រកាស​ជា​ផ្លូវការ ជា​ប្រធាន​មន្ទីរ​សាធារណការ និង​ដឹកជញ្ជូន​ខេត្តសៀមរាប ==> រដ្ឋបាល​ខេត្ត​កែប បើក​កិច្ចប្រជុំ​រៀបចំ​យន្តការ​សម្របសម្រួល​កា​រ​ប្រឡង​សញ្ញាបត្រ​មធ្យមសិក្សា​ទុតិយភូមិ​ ==> ​ឯកឧត្តម បណ្ឌិត ហ៊ុន ម៉ា​ណែ​ត អញ្ជើញ​ជា​គណៈអធិបតី ក្នុង​ពិធី​បញ្ចុះ​ខណ្ឌសីមា និង​សម្ពោធ​សមិទ្ធផល​នានា នៅ​វត្ត​ពោធិ៍​រាជ​លំ​ពូ ស្ថិតក្នុង​ស្រុក​កំពង់ត្រាច​ ==> កិច្ចប្រជុំ​ត្រៀម​រៀបចំ​ការប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​២០១៩ នៅ​ខេត្ត​កំពត​ ==> ​លោក ម៉ែន វិបុល អភិបាល នៃ​គណៈ​អភិបាលខេត្ត​ស្វាយរៀង ដឹកនាំ​កំលាំង​ចុះជួយ​ស្ទូងស្រូវ និង​ចែក​គ្រាប់ពូជ​កសិផល ដល់​ប្រជា​សហគមន៍​កសិកម្ម​! ==> មន្ទីរ​សាធារណការ និង​ដឹកជញ្ជូន​ខេត្ត​ព្រះវិហារ នៅតែ​បន្ត​សកម្មភាព​ការងារ​ថែទាំ ជួសជុល​ផ្លូវថ្នល់​តាម​តំបន់​នានា ក្នុង​ភូមិសាស្ត្រ​ស្រុក​មួយចំនួន ! ==> ​សម្តេច​ពញា​ចក្រី ហេង សំរិន ចូល​បច្ច័យ​ចំនួន ៤០​លាន​រៀល សម្រាប់​កសាង​កុដ នៅ​វត្ត​ក្រ​ញ៉ូង និង​វត្ត​ព្រះ​លាន​ព្រះ ក្នុង​ខេត្ត​ត្បូងឃ្មុំ​ ==> ក្រសួង​កិច្ចការនារី​ចែក​អំណោយ​មនុស្សធម៌ ដល់​ពលរដ្ឋ​ក្រីក្រ ចំនួន ២០០​គ្រួសារ ក្នុង​ក្រុង​ប៉ៃលិន​ ==> អភិបាលខេត្ត​តាកែវ អំពាវនាវ​ដល់​ម្ចាស់ផ្ទះ​សំណាក់ អាហា​រដ្ឋា​ន និង​ភោជនីយដ្ឋាន​នានា កុំ​ដំឡើងថ្លៃ​ពេល​ប្រឡង​បាក់​ឌុប​

ខេត្ត​កែប នឹង​មាន​រូប​ព្រះ​ពុទ្ធរូប​ដែល​មាន​ទំហំ​ធំ​ជាង​គេ​លើ​ពិភពលោក និង​រថភ្លើង​ដែល​មាន​ល្បឿន​លឿន​ជាងគេ ពី​ខេត្ត​ព្រះសីហនុ មក​ខេត្ត​កែប នៅ​ពេល​ដ៏​ខ្លី​ខាងមុខនេះ​

ខេត្ត​កែប ៖ ក្នុង​ពេល​ដ៏​ខ្លី​ខាងមុខនេះ ខេត្ត​កែប​នឹង​មាន​រូប​ព្រះ​ពុទ្ធរូប​ធំ​ជាង​គេ​លើ​ពិភពលោក និង​រថភ្លើង​ដែល​មាន​ល្បឿន​លឿន​ជាង​គេ​បំផុត​ពី​ខេត្ត​ព្រះសីហនុ មក​កាន់​ខេត្ត​កែប​។​

​នេះ​ជា​ការលើកឡើង​ពី​សំណាក់​លោក កែ​ន សត្ថា អភិបាល នៃ​គណៈ​អភិបាលខេត្ត​កែប ក្នុង​ជំនួប​ពិភាក្សា​រវាង​ក្រុមហ៊ុន​វិនិយោគ​មក​ពី​ព្រះរាជាណាចក្រ​ថៃ ដែល​ក្រុមហ៊ុន​មួយ​នេះ​ជួបពិភាក្សា​គម្រោង​វិនិយោគ​នៅក្នុង​ទឹកដី​ខេត្ត​កែប​នៅ​រសៀល​ថ្ងៃ​ទី​០៤ ខែ​កុម្ភៈ ឆ្នាំ​២០១៩​។

​ជាមួយគ្នានេះ លោក​អភិបាលខេត្ត បាន​រៀបរាប់​ពី​ភូមិសាស្ត្រ ប្រជាសាស្ត្រ សក្តានុពល​របស់​ខេត្ត​កែប ដើម្បី​ជូន​គណៈប្រតិភូ​របស់​ក្រុមហ៊ុន​វិនិយោគ​ថៃ​។

​បន្ថែម​ពី​នេះ លោក​អភិបាលខេត្ត​ក៏​បញ្ជាក់​ពី​បញ្ហា​ប្រឈម​ផ្សេងៗ ដែល​មាន​សម្រាប់​ខេត្ត​ទាំងមូល និង​ចំពោះ​អាជីវករ​ដែល​កំពុង​បម្រើរ​សេវា​ទេសចរណ៍​នៅ​ខេត្ត​កែប ថា​ភ្ញៀវ​ដែល​មក​លេង​ខេត្ត​កែប គឺ​តាម​រដូវ​កាល មិនមែន​មកលេង​កែប​គ្រប់​រដូវ​កាល​នោះ​ទេ នេះ​ហើយ​ជា​បញ្ហា​ប្រឈម​របស់​ខេត្ត ជា​ហេតុ​ធ្វើ​ឲ្យ​ថ្នាក់ដឹកនាំ​ខេត្ត ខិតខំ​បន្ថែមទៀត ដើម្បី​បំពេញ និង​ដោះស្រាយ​បញ្ហា​ទាំងនេះ​ជា​បន្តបន្ទាប់​។​

​ក្រោយពី​បាន​ស្តាប់ និង​ទស្សនា​វីដេអូ ពី​សក្តានុពល​ទេសចរ​របស់​ខេត្ត​កែប រួចមក​គណៈប្រតិភូ​ក្រុមហ៊ុន​វិនិយោគ​របស់​ថៃ នឹង​មាន​គម្រោង​បង្កើត​តំបន់​ទេសចរណ៍​ឲ្យបាន​ទូលាយ  និង​ច្រើន​ជាង​នេះ ដើម្បី​ទាក់ទាញ​ភ្ញៀវ​ទេសចរណ៍​បរទេស​ឲ្យបាន​ច្រើន​ជាង​នេះ​បន្ថែម​ទៀត​។ ហើយ​ក្រុមហ៊ុន​វិនិយោគ​នេះ នឹង​សន្យាថា សាងសង់​រូប​ព្រះពុទ្ធ​រូប​ដែល​មាន​កម្ពស់ និង​ទំហំ​ធំ​ជាង​គេ​លើ​ពិភពលោក និង​រថភ្លើង​ដែល​មាន​ល្បឿន​លឿន​ជាង​គេ​ពី​ខេត្ត​ព្រះសីហនុ មក​កាន់​ខេត្ត​កែប​។

​ជាទី​បញ្ចប់ លោក​អភិបាលខេត្ត បាន​ទទួល​ការសម្ភាសន៍​ជាមួយ​កម្មវិធី​ទូរទស្សន៍ប៉ុស្តិ៍​លេខ​៣​ថៃ អំពី​សក្តានុពល​របស់​ខេត្ត​កែប ដើម្បី​ផ្សព្វផ្សាយ​ឲ្យ​កាន់​ទូលំទូលាយ ជូន​ទូទាំង​ពិភពលោក​ឲ្យបាន​ស្គាល់​នូវ​ទេសភាព​យ៉ាង​ត្រកាល​របស់​ខេត្ត​កែប​៕
​សេង ណា​រិទ្ធ​

Filed in: ខេត្តកែប

Recent Posts

Bookmark and Promote!

© 2019 ឆន្ទៈខ្មែរ | Chhantak Khmer News. All rights reserved. XHTML / CSS Valid.
error: Content is protected !!