ទាន់ហេតុការណ៍
​លោក ងួន ច័ន្ទ​សុជាតា ដឹកនាំ​យុវជន ស ស យ ក ខេត្ត​កែប ចូលរួម​វេច​ខ្ចប់​ឃិត​ចំនួន​២០០​កញ្ចប់ សម្រាប់​ចែកជូន​ប្រជាពលរដ្ឋ​ក្រីក្រ​ ==> ​លោក​ឧត្តមសេនីយ៍ទោឈ​ទោឈុន​ម៉ៅ​ទទួលយកក​ម្មករ​ចាញ់បោក​មេខ្យល់​៣៤​នាក់​យក​មក​ដាក់​មណ្ឌល​ចត្តា​ឡី​ស័ក​ ==> ​លោក​លី​សារី​ប្រាប់​ប្រជាពលរដ្ឋ​ថា​ជំងឺ​កូវី​ដ​-១៩ ទោះបី​ធ្លាក់ចុះ​យ៉ាងណា​ត្រូវ​ប្រុងប្រយ័ត្ន​បើ​ផ្ទុះ​លើក​ទី​២​និង​ស្លាប់​រង្គៀល​ជាមិនខាន​ ==> ​ឆេះ​បឹងកក់​ក្នុង​មន្ទីរពេទ្យ​មិត្តភាព​កម្ពុជា ជប៉ុន មង្គល​បូរី ចំណាយ​រយះ​ពេលវេលា​២​ម៉ោង​ទើប​រលត់ គ្មាន​ខូចខាត​ទ្រព្យសម្បត្តិ​រដ្ឋ​ទេ​ ==> កូន​តិរច្ឆាន​សម្លាប់​ឪពុក​ឯង​គ្រាន់តែ​រឿង​មិន​ទទួល​ទូរស័ព្ទ​កម្មពា​មក​ដល់​បាន​មួយ​ដង្ហើមចង្រិត​ត្រូវ​សមត្ថកិច្ច​បាប់​បានហើយ​ ==> ​អភិបាល​រាជធានី​ភ្នំពេញ ដឹកនាំ​មន្ដ្រី​ជំនាញ​ចុះ​ពិនិត្យ​និង​ពន្លឿន​ការដ្ឋាន​ស្ថាបនា​ប្រព័ន្ធ​លូ ការ៉ូឡា​សួនច្បារ​និង​ដាំ​ដើមឈើ​លើ​ចិញ្ចើម​ផ្លូវ​ព្រះ​នរោត្តម​និង​អ៊ុត​កៅស៊ូ​លើផ្លូវ​៤៦២ ក្នុង​សង្កាត់​ទន្លេបាសាក់​ ==> ឃាត់ខ្លួន​យុវជន​ម្នាក់​តាម​ដីកា​តុលាការ ពីបទ បង្ក​ហិង្សា​ដោយ​ចេតនា​ ==> រដ្ឋបាល​ខេត្ត​កំពត បើក​កិច្ចប្រជុំ​ពិគ្រោះ​យោបល់​ស្ដីពី​ការអនុវត្ត​គម្រោង​សាងសង់ សារមន្ទីរ​ថាមពល​កើតឡើង​វិញ និង​ឧទ្យាន​ជាតិ​សម្ដេច​ហ៊ុន សែន​កំពត​ ==> ប្រជាពលរដ្ឋ​ជួប​ការលំបាក ចំនួន​១៧៨​គ្រួសារ​ក្នុង​ស្រុក​ដំណាក់​ចង្អើរ ទទួលបាន​អំណោយ​ពី សាខា​កាកបាទក្រហមកម្ពុជា​ខេត្ត​កែប​ ==> ​អនុសាខា​កាកបាទ​ក្រហម​ស្រុក​កំពង់ត្រាច នាំយក​អំណោយ​ទៅ​ចែកជូន​ប្រជាពលរដ្ឋ​ងាយ​រងគ្រោះ នៅ​ឃុំ​ឫស្សី​ស្រុក​ខាងកើត​

លោក​ឧកញ៉ា តាំង អ៊ាង ប្រើ​ឈ្មោះ​ខ្មោច​ក្រុមហ៊ុន MDS របស់​ឧកញ៉ា ទ្រី ភាព ទៅ​កាប់​បំផ្លាញ​ព្រៃ​អភិរក្ស​ភ្នំ​សំ​កុស​

លោក​ឧកញ៉ា តាំង អ៊ាង ប្រើ​ឈ្មោះ​ខ្មោច​ក្រុមហ៊ុន MDS របស់​ឧកញ៉ា ទ្រី ភាព ទៅ​កាប់​បំផ្លាញ​ព្រៃ​អភិរក្ស​ភ្នំ​សំ​កុស​

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

ខេត្ត​ពោធិ៍សាត់​៖​មេ​ឈ្មួញ​ឧក្រិដ្ឋ​ឧកញ៉ា តាំង អ៊ាង បាន នឹង​កំពង់តែ​លួច​ប្រើ​ឈ្មោះ​ខ្មោច របស់​ក្រុមហ៊ុន MD​របស់​ឧកញ៉ា ទ្រី​ភាព និង​អាង​អំណាច​គណ​អភិបាលខេត្ត​ពោធិ៏សាត់ ទៅ​កាប់ បំផ្លាញ​ព្រៃ​អភិរក្ស​ភ្នំ​សំ​កុស ដោយ​គ្មាន​ការទប់ស្កាត់ ដែល​បញ្ហា​នេះ​គេ​សង្ស័យថា ៖​ប្រសិនបើ​ជា​គ្មាន​ការឃុបឃិត​គ្នា​ជា​ប្រព័ន្ធ​ពី​សំណាក់​មន្ត្រី​ជំនាញ និង​អាជ្ញាធរ គណ​អភិបាលខេត្ត​ពោធិ៏សាត់​ទេ គេ​មិន​ជឿ​ថា​មេ​ឈ្មួញ តាំង អៀង និង បក្ខពួក ហ៊ាន​លួច​ចូល​ទៅ​កាប់​បំផ្លាញ​ព្រៃ ឈើ​ក្នុង​ជម្រក​ដែន​ព្រៃ​អភិរក្ស​ការពារ​ដោយ​ព្រះរាជក្រឹត្យ តំបន់ភ្នំ​សំ​កុស​តាម​ទំនើងចិត្ត ។​

​តាម​មន្ត្រី​សាលាខេត្ត​ពោធិ៍សាត់​មួយ​រូប​សុំ​មិន​បញ្ចេញ​ឈ្មោះ​បាន​រាយការណ៍​ឲ្យដឹងថា រយៈពេល​ជាង​០១​ខែ​មកនេះ សកម្មភាព​កាប់​ឈើ​នៅ​ក្នង​តំបន់​អភិរក្ស​ដូច​រៀបរាប់​ខាងលើ ហាក់​មាន​ទ្រង់ទ្រាយ​ធំ​ជាង​ឆ្នាំមុនៗ​ទៅទៀត ដោយ​ឃើញ​មាន​អ្នក​អា​ឈើ​រាប់រយ​នាក់ និង​គ្រឿងចក្រ រថយន្ត​ប្រកុង រថយន្ត​ច្នៃ​ជិត​១០០ គ្រឿង ហើយ ឧកញ៉ា តាំង អ៊ាង បាន​ប្រើ​មេកា​របស់​ខ្លួន​ពីរ​នាក់ ឈរ​ចាំ​ប្រមូល​ទិញ​ឈើ​នៅ​ដេប៉ូ​ធំៗ​ចំនួន​ពីរ​ទីតាំង​ខុសគ្នា ក្នុង​ក្រុមហ៊ុន​MDS​។​

​សេចក្តីរាយការណ៍​បន្ត​ថា មេការ​ធំ​មា្ន​ក់​ឈ្មោះ ង៉ូវ ទី ត្រូវជា​ប្អូនប្រុស​របស់​ឧកញ៉ា តាំង អ៊ាង បាន​បង្កើត​ដេប៉ូ​យ៉ាង​ធំ​សម្បើម​ចាំ​ទិញ​ឈើ​ខុស​ច្បាប់​ក្នុង​បរិ​វណ​ក្រុមហ៊ុន MDS ស្ថិតនៅ​ឃុំ​អន្លង់​រាប ស្រុក​វាលវែង​។​ឯ​មេការ​ធំ​ម្នាក់​ទៀត​ឈ្មោះ លីម ជា​កូនប្រុស​បង្កើត​ឧកញ៉ា លាង ចាន់​មុនី ដែល​ល្បីឈ្មោះ​ខាង​កាប់​បំផ្លាញ​ព្រៃ ឈើ និង​ជា​មនុស្ស​ជំនិត​របស់​ឧកញ៉ា​ទ្រី​ភាព បាន​យក​ទីតាំង​កែច្នៃ​ឈើ​យ៉ាង​ធំ ទល់មុខ​ក្រុមហ៊ុន MDS ដំណាក់​សុ​ក្រំ ស្ថិតក្នុង​ឃុំ​សំរោង ស្រុក​ក្រវាញ សម្រាប់​ប្រមូល​ទិញ​ឈើ​ខុសច្បាប់​និង​ស្ទួច​ដាក់​រថយន្ត​V1 ដឹក​ចេញ​ទៅ​កាន់​រាជធានី​ភ្នំពេញ ជាប្រចាំ​។​

​គួរ​រំលឹក​ដែន​ព្រៃ​អភិរក្ស​ភ្នំ​សំ​កុស ស្ថិត​នៅក្នុង​ស្រុក​វាលវែង និង​ព្រៃ​អភិរក្ស​ជួរ​ភ្នំក្រវាញ ក្នុងស្រុក​ក្រវាញ​ត្រូវ​មេ​ឧក្រិដ្ឋជន​ព្រៃឈើ ដែល​មាន​ងារ​ជា​ឧកញ៉ា​ឈ្មោះ តាំង អ៊ាង បានឲ្យ​មេកា​ររបស់​ខ្លួន​ប្រើ​មនុស្ស​រាប់រយ​នាក់ ចូល​ទៅ​កាប់​បំផ្លាញ​ឈើ​ដោយ​ជ្រក​ក្រោម​ស្លាក​ក្រុមហ៊ុន MDS របស់​ឧកញ៉ា ទ្រី ភាព និង​បាន​ឃុបឃិត​ពុករលួយ​ពី​គ្រប់​សមត្ថកិច្ច​ពាក់ព័ន្ធ​ទាំង​ថ្នាក់​ខេត្ត និង​ថ្នាក់​ជាតិ​។​

​ប្រភព​ពី​មន្ត្រី​រដ្ឋបាល​ព្រៃឈើ​បានឲ្យដឹង​ទៀតថា ៖ លោក​ឧកញ៉ា តាំង អៀង បាន​បញ្ជា​អោយ​មេការ​ដឹកឈើ​ចេញពី​ព្រៃ​យក​មក​លក់​ឲ្យ​ក្រុមហ៊ុន​ម្នាក់ បាន​លួចខ្សិ​បប្រាប់ឲ្យដឹង​ថា ៖ ដើម្បី​បាន​ជ្រក​ក្រោម​ស្លាក​ក្រុមហ៊ុន​MDS ឧកញ៉ា តាំង អ៊ាង បាន​ចំណាយលុយ​ប្រមាណ ៣៥០​ដុល្លារ​ក្នុង​១​ម៉ែត្រគូប បង់​ឲ្យ​ឧកញ៉ា ទ្រី ភាព ដោយ​មាន​ប្រធាន​តំបន់​របស់​ក្រុមហ៊ុន​ម្នាក់ ឈ្មោះ​ជី​វ័ន្ត ហៅ​ពៅ ចាំ​សម្របសម្រួល​ឯកសារ​ច្បាប់​ដឹង​ជញ្ជូន​។​ហើយ​ប្រភេទ​ឈើ​ប្រណីត​មួយចំនួន​ត្រូវបាន​គេ​ដឹក​ជញ្ជូន​យក​មក​ទុក​នៅ​ក្នុង​ក្រុមហ៊ុន​ទី​ភាព​គ្រុប​ត្មាត​ពង និង​មួយចំនួនទៀត​ដឹកយក​ទៅ​ស្តុក​ក្នុង​ឃ្លាំង​ឈើ​មួយ​កន្លែង​ទៀត នៅ​ក្រោយ​ទី​តាំ​រោងចក្រ​កាត់ ដេរ​៦​ជាន់ ផ្លូវវេង​ស្រេង មុន​នាំចេញ​ទៅ​លក់​នៅ​ក្រៅប្រទេស​។

​ប្រភព​ដដែល​បានឲ្យដឹង​ទៀត​ថា ព្រោះ​តែ​ក្រុម​មន្ត្រី​ជំនាញ​អស់​នោះ​បាន​ទទួល​ស្រោមសំបុត្រ​ឧបត្ថម​បិទមាត់​ធ្វើ​សកម្មភាព​ពុករលួយ​ជាប្រចាំ​នោះ​។  មេការ​ធំៗ​ទាំង​ពីរ​នាក់​ខាងលើ ចែក​តំបន់​គ្នា​ដើម្បី​ប្រមូល​ទិញ​ឈើ​ខុសច្បាប់ ដោយ​លោក ង៉ូវ ទី ទទួល​ទិញ​ឈើ​ដែល​គេ​កាប់​ពី​តំបន់​អភិរក្ស​ភ្នំ​សំ​កុស ចាប់​ពី​ច្រក​អូរ​លាក់​មាស ច្រក​ពង​ពង់ ច្រក​ស្ទឹង​តា​តាំង ច្រក​ក្រពើ​ពីរ ច្រក​ភ្នំ​ទំព័រ និង​តំបន់ភ្នំ ១៥០០​។ ឯ​លោក លីម មាន​សិទ្ធិ​ចាំ​ទិញ​ឈើ​ខុសច្បាប់​ដែល​គេ​កាប់​ចេញពី​តំបន់​អភិរក្ស​ជួរ​ភ្នំក្រវាញ ចាប់ពី​តំបន់​ខ្សាច់​ពូក ច្រក​ដា ច្រក​អំពិល ច្រក​រវៀង និង​ច្រក​អូរ​លាក់​មាស​។ ឈើ​គ្រប់​ប្រភេទ​ត្រូវបាន​គេ​ប្រមូល​ទិញ ដូចជា​ប្រភេទ​ឈើ​ប្រណីត​ប្រភេទ​ឈើ​រាជ​ថ្កុល ធ្នង់ នាងនួន និង​ឈើ​អា​ប្រភេទ​លេខ​២​សម្រាប់​ប្រើប្រាស់​ក្នុងស្រុក​។​

​ទាក់ទិន​ទៅ​នឹង​ជំនួញ​លួច​កាប់​ឈើ​ខុសច្បាប់​ទ្រង់ទ្រាយ​ធំ និង​បន្ថែម​ការ​លូច​គៃបំបាត់​ពន្ធ​រដ្ឋ​ដែល​មាន​ក្រុម​មន្ត្រី​ជួយ​ហែរ​ហម ដោយ​ជ្រក​ក្រោម​ស្លាក​ក្រុមហ៊ុន MDS នេះ ភាគី​ពាក់ព័ន្ធ​ការិយាល័យ​របស់​យើង​មិនអាច​សុំ​ការបកស្រាយ​បាន​ទេ​ពី​សំណាក់​កូនជឹង និង​លោក​ឧក ញ៉ា តាំង អ៊ាង បានទេ ៕

 

Filed in: ព័ត៌មាន ដែលគួរចាប់អារម្មណ៍, ព័ត៌មានសំខាន់

Recent Posts

Bookmark and Promote!

© 2020 ឆន្ទៈខ្មែរ | Chhantak Khmer News. All rights reserved. XHTML / CSS Valid.
error: Content is protected !!