ទាន់ហេតុការណ៍
សម្តេច​អគ្គ​មហា​ពញា​ចក្រី ហេង សំរិន និង​ភរិយា​ចូលរួម​ប្រារព្ធ​ពិធី​កាន់បិណ្ឌ​ទី​៤ នៅ​វត្ត​ក្រពើ​ហារ ក្រុង​តាខ្មៅ​ ==> មេ​គយ​ខេត្តបាត់ដំបង លោក យូ ហេង និង​បក្ខពួក​ឃុបឃិត​គ្នា​ប្រព្រឹត្ត​អំពើ​ពុករលួយ​ដើម្បី​ផលប្រយោជន៍​ផ្ទាល់ខ្លួន​ ==> ​ពិធី​ប្រកាស​ចូល​កាន់​មុខតំណែង​ជា​ប្រធាន​មន្ទីរ​រៀបចំ​ដែនដី នគររូបនីយកម្ម​ជំនួស​លោក ប្រាក់ ប៉ូ​លី ទៅ​បំពេញ​ភារកិច្ច នៅឯ​ក្រសួង​ ==> ឃាត់ខ្លួន​ជនសង្ស័យ ០១ នាក់ ដែល​បាន​ធ្វើ​សកម្មភាព លួច យក​ទូរ​សព្ទ័​ដៃ​នៅក្នុង​មន្ទីរពេទ្យបង្អែក​ខេត្ត​បាត់ដំបង​ ==> ដើម្បី​គ្រប់គ្រង​និង​ថែរក្សា​ធនធានធម្មជាតិ​របស់​រដ្ឋ​ឲ្យបាន​គង់វង្ស​អាជ្ញាធរ​និង​ជំនាញ​ពាក់ព័ន្ធ​ត្រូវ​សហការ​គ្នា​ទប់ស្កាត់​កុំឲ្យ​មាន​ការកាប់​ទន្ទ្រាន​ ==> បទល្មើសរ​បាំង​លប​ក្នុង​និង​ក្រៅ​តំបន់​អភិរក្ស​រដូវ​បិទ​នេសាទ​កក្រើក​ផ្ទៃ​ទឹក​ឃុំ​ផ្លូវ​ទូក​ស្រុក​កំពង់លែង​ខេត្ត​កំពង់ឆ្នាំង​ ==> ​បុណ្យ​ឆ្លង​វិមាន​តេជះ​ព្រះ​គោ​ជើង​ប្រាំ​នៅ វត្ត​ពោធិ​មា​រាម​ហៅ​វត្ត​ប៉ា​ហ៊ី​ ==> ក្រុមការងារ​គ្រូពេទ្យ​ស្ម័គ្រចិត្ត​លោក ហ៊ុន ម៉ា​នី ជាង​៥០០​នាក់ បន្ត​ចុះ​ព្យាបាល​ជូន​ប្រជាពលរដ្ឋ​ជិត​៥​ពាន់​នាក់ ដោយ​ឥតគិតថ្លៃ នៅ​ស្រុក​ទឹកឈូ ខេត្ត​កំពត​ ==> ​ឯកឧត្តម ជា សុផារ៉ា​និង​ឯកឧត្តម គន់ គីម​ព្រមទាំង​ក្រុមការងារ កាកបាទក្រហមកម្ពុជា នាំយក​អំណោយ​សម្តេច​កិត្តិ​ព្រឹទ្ធ​បណ្ឌិត​ចែក​អំណោយ​ជូន​ប្រជាពលរដ្ឋ​២៥៣៩​គ្រួសារ នៅ​ខេត្ត​ត្បូងឃ្មុំ​ ==> ​ពលរដ្ឋ​ជា​អ្នករ​កស៊ីដឹក​ទំនិញ​តាម​ព្រំដែន​ព្រែក​ចាក នាំគ្នា​ទៅ​បិទ​ផ្លូវ​នៅ​មុខ​ស្នាក់ការ​គយ​ចល័ត​ដើម្បី​សុំ​ឲ្យ​ស្ថាប័ន​មួយ​នេះ​បញ្ចុះ​តម្លៃ​សេវា​ដឹកជញ្ជូន​

អភិបាលខេត្ត​កែប ជួប​សំណេះសំណាល​ជាមួយ លោកគ្រូ អ្នកគ្រូ និង​ក្មួយៗ​សិស្សានុសិស្ស​ត្រៀមប្រឡង​សញ្ញាបត្រ​មធ្យមសិក្សា​ទុតិយភូមិ នៅ​វិទ្យាល័យ ហ៊ុន សែន ចំការ​ដូង​

កែប ៖ នៅ​ព្រឹក​ថ្ងៃ​៣​កើត ខែ​ស្រាពណ៍ ឆ្នាំច សំរឹទ្ធិ​ស័ក ព​.​ស ២៥៦២ ត្រូវ​នឹង​ថ្ងៃទី​១៤​ខែ​សីហា ឆ្នាំ​២០១៨ លោក​កែន សត្ថា អភិបាល នៃ​គណៈ​អភិបាលខេត្ត​កែប អមដំណើរ​ដោយ​មន្ត្រី​ក្រោម​ឱវាទ​ជាច្រើនរូប បាន​ធ្វើ​ពិធី​ជួប​សំណេះសំណាល​ជាមួយ​លោកគ្រូ អ្នកគ្រូ និង​សិស្សានុសិស្ស​ថ្នាក់​ទី​១២ ចំនួន​១៥១​នាក់ នៅ​វិទ្យាល័យ ហ៊ុន សែន ចំការ​ដូង ស្ថិតក្នុង​ឃុំ​ពងទឹក ស្រុក​ដំណាក់​ចង្អើរ ខេត្ត​កែប ដែល​ត្រៀមប្រឡង​សញ្ញាបត្រ​មធ្យមសិក្សា​ទុតិយភូមិ​(​បាក់​ឌុប​) ដែល​នឹង​ត្រូវ​ប្រព្រឹត្តទៅ នៅ​ថ្ងៃ​ទី​២០​ខែ​សីហា ឆ្នាំ​២០១៨​ខាងមុខនេះ​។​

​ក្នុង​ពិធី​សំណេះសំណាល លោក កែ​ន សត្ថា អភិបាលខេត្ត​កែប ក៏​បាន​ធ្វើ​ការកោតសរសើ​រ​ដល់​លោកគ្រូ អ្នកគ្រូ ដែល​កន្លងមក​បាន​អប់រំ​សិស្សានុសិស្ស​បាន​ល្អ ព្រមទាំង​បាន​ខិតខំ​បណ្តុះបណ្តាល​ចំណេះវិជ្ជា​ដល់​ក្មួយៗ​ជា​សិស្សានុសិស្ស​ឲ្យក្លាយ​ជាជា​សិស្ស​ល្អ មនុស្ស​ល្អ សិស្ស​ពូកែ និង​ជា​សិស្ស​គំរូ សម្រាប់​ប្រែក្លាយ​ទៅ​ជា​សសរទ្រូង​នៃ​ប្រទេស​ជាតិ​ទៅ​ថ្ងៃ​អនាគត​។​លោក​អភិបាលខេត្ត​បាន​បញ្ជាក់​ផង​ដែរ អំពី​សមត្ថភាព​របស់​ក្មួយៗ​ជា​សិស្សានុសិស្ស​នៅ​គ្រប់​សាលា គ្រប់​វិទ្យា​វិទ្យាល័យ​-​អនុវិទ្យាល័យ​នៃ​ភូមិសាស្ត្រ​ខេត្ត​កែប​ទាំងមូល ដែល​ខិតខំ​រៀនសូត្រ​ក្លាយជា​សិស្ស​ពូកែ សិស្ស​ល្អ និង​ជាប់​ចំណាត់ថ្នាក់​(​និទ្ទេស​A)​កាលពី​ឆ្នាំ​២០១៧​កន្លងមក​។​

​ជាមួយគ្នានេះដែរ លោក កែ​ន សត្ថា អភិបាលខេត្ត​កែប ក៏​បាន​ឧបត្ថម្ភ​ថវិកា​ចំនួន​៥.៤០០.០០០​រៀល​ជូន​ដល់​លោកគ្រូ អ្នកគ្រូ ដែល​ខិតខំ​បង្រៀន​បំប៉ន​ដល់​សិស្ស​ត្រៀមប្រឡង​សញ្ញាបត្រ​មធ្យមសិក្សា​ទុតិយភូមិ រយៈពេល​ពីរ​ខែ​កន្លង​មក ហើយ​សិស្សានុសិស្ស​ថ្នាក់​ទី​១២​ចំនួន​១៥១​នាក់​ដែល​ត្រៀម​ប្រឡង ក្នុង​ម្នាក់ៗ​ក៏​បាន​ទទួល​ថវិកា​ចំនួន​១០.០០០​រៀល​ផង​ដែរ​៕
​សេង ណា​រិទ្ធ​

 

Filed in: ខេត្តកែប

Recent Posts

Bookmark and Promote!

© 2019 ឆន្ទៈខ្មែរ | Chhantak Khmer News. All rights reserved. XHTML / CSS Valid.