ក្រោយ​កាំកុងត្រូល​ចាប់​ទំនិញ​ខូច​គុណភាព​ជិត​១​តោន ប្រជាពលរដ្ឋ​នៅក្នុង​ខេត្ត​ប៉ៃលិន បារម្ភ​ខ្លាំង​ចំពោះ​សុខភាព​ចំណីអាហារ​

​ខេត្ត​ប៉ៃលិន ៖ ប្រជាពលរដ្ឋ​សង្កេតឃើញ​កាលពី​ព្រឹក​នៅ​ថ្ងៃទី​៩ ខែ​សីហា ឆ្នាំ​២០១៨​នេះ បន្ទាប់ពី​លោក ឈឹម វាសនា ប្រធាន​កាំកុងត្រូល​សាខា​ខេត្ត​ប៉ៃលិន បាន​សហកា​រណ៍​ជាមួយ​មន្ត្រី​នៃ មន្ទីរ​ពាណិជ្ជកម្ម​ខេត្ត ចុះ​ត្រួតពិនិត្យ និង ដកហូត​ទំនិញ​ខូច​គុណភាព ហួស​កាលបរិច្ឆេទ នៅក្នុង ផ្សារ​ប៉ាង​រលឹម និង​តាម​គេហដ្ឋាន​មួយចំនួន ស្ថិតក្នុង​ភូមិ​ប៉ាង​រលឹម សង្កាត់​អូរ​តា​វ៉ៅ ក្រុងប៉ៃលិន ដោ យ​រិបអូស​បាន​ជិត​១​តោន ធ្វើឱ្យ​ប្រជាពលរដ្ឋ​រស់នៅ​ក្នុង​ខេត្ត​ព្រឺ​សម្បុរ និង​ព្រួយបារម្ភ​ចំពោះ​សុខភា ព ។ តែ​ពួកគាត់​មិន​សង្ឃឹមថា អាច​ចាប់​ទំនិញ​ទាំង​នោះ​អស់​ឡើយ ព្រោះ​ចាប់​តាម​ភូមិ​និង​តាម​ផ្សារ រីឯ​នៅ​ច្រកទ្វារ​វិញ​បើក​ឱ្យ​ឈ្មួញ​នាំចូល ដោយ​គ្មាន​ការត្រួតពិនិត្យ​ឱ្យ​បាន​ត្រឹមត្រូវ​នោះ​ឡើយ ពោល គឺ​បើក​ឱ្យ​ចូល​ទាំងយប់​ទាំង​ថ្ងៃ​តែម្តង ។

​ប្រភព​ព័ត៌មាន​បាន​ឱ្យ​ដឹងថា​លោក ឈឹម វាសនា ដឹកនាំ​មន្ត្រី​ក្រោម​ឱវាទ​ចុះ​ត្រួតពិនិត្យ​ទំនិ ញ ដោយ​បាន​រកឃើញ​មាន​ខូច​គុណភាព និង​ហួស​កាលបរិច្ឆេទ​ជាច្រើន​ប្រភេទ ដូចជា​ទឹកក្រូច​ដប​ជ័រ ភេសជ្ជ​:​កំប៉ុង ស្រា​បៀរ​ដប ស្រា​បៀរ​កំប៉ុង មី​កំប៉ុង ទឹកម្ទេស​ដប ស្ករ​គ្រាប់​ដូង ចាហួយ​កញ្ចប់ និង ប័រ​ប្រអប់​ជាដើម សរុប​ទាំងអស់​ចំនួន​822 P’ksg ស្មើនឹង 401.5 គីឡូក្រាម ។​

​ប្រភព​បន្តទៀតថា ជាមួយគ្នានេះដែរ ប្រជាពលរដ្ឋ​បាន​លើកឡើង​ថា ពួកគាត់​មាន​ការព្រួយបារម្ភ​យ៉ាងខ្លាំង​ចំពោះ​សុវត្ថិភាព​សុខភាព​ចំណីអាហារ ដោយ​ឃើញ​ខាង​កាំ​កុង​ចុះ​ពិនិត្យ​ម្តងៗ ចាប់​បាន​ទំនិញ​យ៉ាងច្រើន​សន្ធឹកសន្ធាប់​គួរឱ្យកត់សម្គាល់ ។ ពួកគាត់​ក៏​សុំ​ឲ្យ​ខាង​កាំកុងត្រូល​ត្រួតពិនិត្យ​នៅ​ច្រក​ទ្វារ​អន្តរជាតិ ឲ្យបាន​ដិត​ដល់​ផង​ដែរ កុំ​ចេះតែ​បណ្តោយ​ឲ្យ​ទំនិញ​ថៃ ដែល​គេបោះបង់​ចោល​ទៅហើយ ឬ​ជិត​ហួស​កាលបរិច្ឆេទ ស្រាប់តែ​ឈ្មួញ​ខ្មែរ​នាំ​ចូល​មក​លក់​ឱ្យ​ប្រជាពលរដ្ឋ​ទិញ​យក​ទៅ​ទ ទួល​ទាន​យ៉ាង​រំភើយ ជាហេតុ​បណ្តាលឱ្យ​ប៉ះពាល់​ដល់​សុខភាព​ធ្ងន់ធ្ងរ​ផងដែរ ៕

 

Filed in: ខេត្តប៉ៃលិន

Recent Posts

Bookmark and Promote!

© 2018 ឆន្ទៈខ្មែរ | Chhantak Khmer News. All rights reserved. XHTML / CSS Valid.
error: Content is protected !!