​អ្នកជិះ​បញ្ច្រាស​នៅ​វិមាន​ឯករាជ្យ​មាន​រាល់ថ្ងៃ​សមត្ថកិច្ច​ឃាត់​យានយន្ត​ចំនួន​១១​គ្រឿង បញ្ជូនទៅ​ស្នងការដ្ឋាន​នគរបាល​រាជធានី​ភ្នំពេញ​

​ភ្នំពេញ​៖ ជាក់ស្តែង​ថ្ងៃទី​៦ ខែ​មេសា ឆ្នាំ​២០១៨ សមត្ថកិច្ច និង​អាជ្ញាធរ​ខណ្ឌ​ដូនពេញ​ដាក់​កម្លាំង​ប្រចាំ​ការស្ទាក់ចាប់ អ្នកជិះ​បញ្ច្រាស​នៅ​រង្វង់​មូល​វិមានឯករាជ្យ ឃាត់​បាន​ម៉ូតូ​ជិះ​ល្មើស​ជា​រៀងរាល់ថ្ងៃ បាន​ឃាត់​បាន យានយន្ត​ចំនួន​១១​គ្រឿង បញ្ជូនទៅ​ស្នងការដ្ឋាន​នគរបាល​រាជធានី​ភ្នំពេញ ។​

​យោងតាម​របាយការណ៍​របស់​អាជ្ញាធរ​ខណ្ឌ​ដូនពេញ បានឲ្យដឹងថា នៅ​ថ្ងៃ សុក្រ ៦ រោច ខែ ចេត្រ ឆ្នាំ​រកា នព្វ​ស័ក ព​.​ស​.២៥៦១ ត្រូវ​នឹង​ថ្ងៃទី ៦ ខែ មេសា ឆ្នាំ ២០១៨ ចាប់ពី​ម៉ោង​០៧​ព្រឹក ដល់​ម៉ោង​១០​យប់ កម្លាំង​គណៈបញ្ជាការ​ឯកភាព​ខណ្ឌដូនពេញ សហការ​ជាមួយ​ការិយាល័យ​ចរាចរ​ផ្លូវគោក នៃ​ស្នងការដ្ឋាន​នគរបាល​រាជធានី​ភ្នំពេញ អនុវត្ត​យុទ្ធនាការ​ឃាត់​ម៉ូតូ និង​រថយន្ត បើក​បញ្ច្រាស​ទិស​ដៅ​ចរាចរ នៅ​រង្វង់​មូល​ជុំវិញ​វិមានឯករាជ្យ និង​ផ្លូវ​ព្រះ​សុរា​ម្រឹត ស្ថិតក្នុង​សង្កាត់​ចតុមុខ ខណ្ឌដូនពេញ ឃាត់​យានយន្ត​សរុប​ចំនួន​១១​គ្រឿង ក្នុងនោះ​រួមមាន​៖ ម៉ូតូ​ចំនួន​១០​គ្រឿង​, រ៉ឺម៉ក់​កង់​បី​១​គ្រឿង និង​រថយន្ត​គ្មាន​។​

​បច្ចុប្បន្ន​យានយន្ត​ទាំងនោះ បាន​ញ្ជូ​ន​ទៅ​ការិយាល័យ​ចរាចរ​ផ្លូវគោក​នៃ​ស្នងការដ្ឋាន​នគរបាល រាជធានី​ភ្នំពេញ ដើម្បី​អប់រំ​ណែនាំ​បន្ត​តាម​នីតិវិធី​៕

 

 

Filed in: ភ្នំពេញ

Recent Posts

Bookmark and Promote!

© 9996 ឆន្ទៈខ្មែរ | Chhantak Khmer News. All rights reserved. XHTML / CSS Valid.
error: Content is protected !!