ពិធី​ចុះហត្ថលេខា អនុ​គម្រោង​សាងសង់​ប្រព័ន្ធ​បណ្តាញ​លូ​ក្រុង​បាត់ដំបង​

ភ្នំពេញ ៖ នា​ព្រឹក ថ្ងៃទី​៣០ ខែ​មករា ឆ្នាំ​២០១៨ នៅ​ទីស្តីការក្រសួង​សាធារណការ និង​ដឹកជញ្ជូន លោក​ទេសរដ្ឋមន្ត្រី ស៊ុន ចាន់ថុល បាន​អញ្ជើញ​ជា អធិបតី​ក្នុង​ពិធី​ចុះហត្ថលេខា​អនុ​គម្រោង​សាងសង់​ប្រព័ន្ធ​បណ្តាញ​លូ​ក្រុង​បាត់ដំបង នៃ​គម្រោង​អភិវឌ្ឍន៍ សេដ្ឋកិច្ច​ក្រុង​របៀង​ខាងត្បូង ដោយ​មាន​ការចូលរួម​ពី​មន្ត្រីជាន់ខ្ពស់ ក្រសួង សាធារណការ និង​ដឹកជញ្ជូន តំណាង​ធនាគារ​អភិវឌ្ឍន៍អាស៊ី និង តំណាង​ក្រុមហ៊ុន Beijing Urban Construction Group Co., Ltd ផងដែរ​។​

​អនុ​គម្រោង​នេះ​ផ្តោត​លើ​ការងារ សាងសង់​ប្រព័ន្ធ​បណ្តាញ​លូ នៅ​ក្រុង​បាត់ដំបង ផ្នែក​ខាងកើត ប្រវែង​សរុប​ប្រមាណ​១៥​គីឡូម៉ែត្រ សាងសង់ ដោយ​ក្រុមហ៊ុន Beijing Urban Construction Group Co., Ltd ក្នុងតម្លៃ​ទឹកប្រាក់ នៃ​កិច្ចសន្យា​ប្រមាណ ៩.៣៦៨. ៩៤៣.០៣​ដុល្លារ​អាមេរិក ដើម្បី​រំដោះ​ទឹក ភ្លៀង ពី​ផ្នែក​ខាងកើត​ក្រុង​បាត់ដំបង ស្ថិតក្នុង​សង្កាត់​រតនៈ និង​សង្កាត់​ព្រែក​ព្រះស្តេច ដើម្បី បញ្ចៀស​ការ​ជន់​លេច​ជា​រៀងរាល់ឆ្នាំ ក៏ដូចជា ដើម្បី​ការពារ​តំបន់​ទាំងនេះ​ពី​ការខូចខាត​ទ្រព្យសម្បត្តិ និង​ការប្រកប​របរ​ផ្សេងៗ​របស់​ប្រជាពលរដ្ឋ​។​

​លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រី ក្រសួង​សាធារណការ និង​ដឹកជញ្ជូន បាន​ថ្លែងអំណរគុណ​យ៉ាង​ជ្រាលជ្រៅ​ដល់​ធនាគារ អភិវឌ្ឍន៍អាស៊ី ដែល​បាន​ផ្តល់​ប្រាក់​កម្ចី​សម្បទាន​សម្រាប់​ការអនុវត្ត​អនុ​គម្រោង​នេះ និង​បាន ណែនាំ​ឲ្យ​ក្រុមហ៊ុន សាងសង់ ត្រូវអនុវត្ត​តាម សៀវភៅ​បន្ទុក ធ្វើឲ្យ​មាន​ប្រសិទ្ធ ភាព ធ្វើ​ឲ្យទាន់ពេល វេលា និង​គុណភាព​ល្អ សម្រាប់​ប្រជាពលរដ្ឋ​ទូទៅ​ប្រើប្រាស់​បាន​យូរអង្វែង​។​

​សូមបញ្ជាក់​ថា ធនាគារ​អភិវឌ្ឍ​អាស៊ី​បាន​ផ្តល់ ថវិកា​ប្រមាណ ៣៧ លាន​ដុល្លារ​អាមេរិក សម្រាប់​គម្រោង​ក្នុង​អនុតំបន់ (​កម្ពុជា​-​វៀតណាម​-​ឡាវ​) ដោយ​ផ្តោត​លើ​ក្រុង ចំនួន ៤ របស់​ប្រទេស​កម្ពុជា រួមមាន ក្រុង​ប៉ោយប៉ែត ក្រុង​បាត់ដំបង ទីប្រជុំជន​អ្នក​លឿង និង​ក្រុង​បាវិត​៕

Filed in: ភ្នំពេញ

Recent Posts

Bookmark and Promote!

© 2018 ឆន្ទៈខ្មែរ | Chhantak Khmer News. All rights reserved. XHTML / CSS Valid.
error: Content is protected !!