សម្ពោធ​អគារសិក្សា​មួយ​ខ្នង មាន ៥ បន្ទប់ អំណោយ​របស់​អង្គការ​មូលនិធិ​អប់រំ​ផ្កា​ចារ​

ខេត្ត​បាត់ដំបង ៖ កាលពី​ថ្ងៃ​ទី ២០ ធ្ន្ ឆ្នាំ ២០១៧ អគារសិក្សា​មួយ​ខ្នង ជា​អំណោយ​របស់​អង្គការ មូលនិធិ​អប់រំ​ផ្ការ​ចារ ត្រូវបាន​សម្ពោធ​ដាក់ឲ្យ​ប្រើប្រាស់ ក្រោម​អធិបតីភាព ឯកឧត្ដម អ៊ឹង វី​រះ​ជាតិ រដ្ឋលេខាធិការ ទីស្ដីការគណៈរដ្ឋមន្ដ្រី និង​ជា​អនុប្រធាន​ក្រុមការងារ​ថ្នាក់​ជាតិ​ចុះ​ជូ​យ​ស្រុក​ឯក​ភ្នំ​បាន​អញ្ជើញ​ជា​អធិបតីភាព​ដ៏​ខ្ពង់ខ្ពស់ ។​

​អគារសិក្សា​នេះ មាន ៥ បន្ទប់ ជា​អំណោយ​របស់ អង្គការ​មូលនិធិ​អប់រំ​ផ្ការ​ចារ  និង សប្បុរសជន​អាមេរិក សាងសង់ នៅ​បរិវេណ​សាលាបឋមសិក្សា​ព្រែក​ស្នោ នៅ​ភូមិ​ព្រែក​ស្នោ ឃុំ​ព្រែក​ខ្ពប ស្រុក​ឯក​ភ្នំ ខេត្ត​បាត់ដំបង ។​

​លោកស្រី ចិន្ដា ឈឺ នាយិការ​អង្គការ​មូលនិធិ​អប់រំ​ផ្កា​ចារ និង​លោក រ៉ា​ស់ ថេប​លីន (Mr RUSS TAPLIN) សប្បុរសជន​ជាតិ​អាមេរិក បាន​មានមតិ​សំណេះសំណាល​យ៉ាង​ស្និទ្ធស្នាល ជាមួយ ក្រុមប្រឹក្សា​ស្រុក អភិបាលរង​ស្រុក អធិការរង​ស្រុក និង​មេបញ្ជាការ​ផ្នែក​សឹក​រង​ស្រុក មេបញ្ជាការ​មូលដ្ឋាន​ក​ង​រាជ​អាវុធហត្ថ​ស្រុក ប្រធាន​អនុប្រធាន ការិយាល័យ មន្ដ្រីរាជការ​ជុំវិញ​ស្រុក មេឃុំ មេភូមិ លោកនាយក​សាលា លោកគ្រូ អ្នកគ្រូ សិស្សានុសិស្ស​ចូលរួម​ចំនួន ៣០០​នាក់ និង​ប្រជាពលរដ្ឋ​ប្រហែល ៥០០ នាក់ ព្រមទាំង​ភ្ញៀវកិត្តិយស​ជាតិ និង​អន្ដរជាតិ ។​

​អគារសិក្សា​ថ្មី​នេះ នឹង​ត្រូវ​បាន​សិស្សានុសិស្ស​ទាំងអស់ នៅក្នុង​មូលដ្ឋាន​នេះ​បាន​រៀនសូត្រ និង ទទួលបាន​ចំណេះ ដឹង​ល្អ សម្រាប់​អនាគត​របស់​ពួកគេ ហើយ​សង្ឃឹមថា ប្អូនៗ​សិស្សានុសិស្ស នឹង​ខិតខំ​ប្រឹងប្រែង​រៀនសូត្រ ពីព្រោះ​ពួកគេ គឺ​ជា​ទំពាំង​ស្នង​ប្ញ​ស្សី និង​ជា សសរទ្រូង ប្រទេសជាតិ ៕

 

Filed in: ខេត្តបាត់ដំបង

Recent Posts

Bookmark and Promote!

© 2018 ឆន្ទៈខ្មែរ | Chhantak Khmer News. All rights reserved. XHTML / CSS Valid.