​កាស៊ីណូ​ចំនួន​ពីរ ត្រូវបាន​លោក​អភិបាលក្រុង​ប៉ោយប៉ែត​ថ្មី​បង្ខំ​ឲ្យ​រុះរើស​សំណង់​អនាធិបតេយ្យ​ចេញ​ដោយ​គ្មាន​ការយោគយល់​

ខេត្ត​បន្ទាយមានជ័យ ៖ លោក​សាន ស៊ានហូ អភិបាល​នៃ​គណៈ​អភិបាលក្រុង​ប៉ោយប៉ែ​ត​ថ្មី​បាន​បញ្ជេញ​សាច់នូវ​ដុំ​ទាំង​ព្រឹក ដោយ​បង្ខំ​ឱ្យ​ម្ចាស់​កាស៊ីណូ​ចំនួន​២​កន្លែង ទាំង​នៅ​ខាងជើង​និង​ខាងត្បូង​រង្វង់​មូល​ក្រុង​ប៉ោយប៉ែត ឱ្យ​រុះរើ​សំណង់​អ​នា​បតេ​យ្យចេញ​ឱ្យ​បាន​លឿន​បំផុត ហើយ​ព្រមាន​ម្ចាស់​សំណង់​ទាំង​ពីរ​នោះ​ហាម​ទូរស័ព្ទ​មក​លោក​ឬ​ក៏​ប្រើ​អស់លោក​ណា​មួយ​មក​អន្តរាគមន៍​ជា​ដាច់ខាត​។​

​សូម​ជំរាប​ដែរ​ថា​៖​កាស៊ីណូ​ទាំងពីរ​នោះ​ទី​១/​ឈ្មោះ​អ​គីដ​រិច នៅ​ខាងជើង​រង្វង់​មូល ដោយ​មាន​ការ​ធ្វើ​រោង​រញ៉េរញ៉ៃ​ហើយ​គ្មាន​ច្បាប់ទម្លាប់​ទៀតផង រី​ឯង​មួយទៀត​ឈ្មោះ​កាស៊ីណូ ឡាក់​គី ដែល​មាន​ទីតាំង​នៅ​ខាងត្បូង​រង្វង់​មូល ដែល​កាស៊ីណូ​នេះ​លួច​សាងសង់​សំណង់​រឹង​និង​គ្រោង​ធ្វើ​របង​ថ្ម ជាប់​និង​ផ្លូវដែក​ដោយ​គ្មាន​ច្បាប់​អនុវត្ត​ទៀតផង ក្រោយមក​ត្រូវបាន​អភិបាលក្រុង​ខាងលើ​បញ្ចា​ដាច់ខាត​ឱ្យ​រុះរើ​ចេញ​ដោយ​ខានមិនបាន ហើយ​បង្ខំ​ឱ្យ​ម្ចាស់​កាស៊ីណូ​ឡាក់​គី​នោះ​ធ្វើ​សួនច្បារ​អម​ផ្លូវដែក​ចាប់ពី​ពេលនេះ​តទៅ​។​

​គួរ​រំលឹក​ដែរ​ថា​៖​ចាប់ពី​ថ្ងៃ​ទី​១២​ខែ​ធ្នូ​ឆ្នាំ​២០១៧​មកដល់ពេលនេះ សកម្មភាព​បង្ក្រាប​សំណង់​អនាធិបតេយ្យ​ដើម្បី​រៀបចំ​សណ្តាប់ធ្នាប់​សាធារណៈ​នោះ ត្រូវបាន​មហាជន​ជាច្រើន​សង្គេតឃើញ​ថា​ការអនុវ​ត្ត​របស់​ចៅហ្វាយក្រុង​ខាងលើនោះ វា​ក្តៅ​ពុ​កញ្ច្រោ​ល​ខ្លាំង​ជាង​ផ្ទុះ​ភ្នំ​ទៅ​ទៀត​តែ​វា​អាច​ទទួលយក​បាន​ត្រង់​ថា​បើ​មិន​ធ្វើ​គឺ​វា​នោះ​តែ​រញ៉េរញ៉ៃ ធ្វើឱ្យប៉ះពាល់​ដល់​សណ្តាប់​ធ្នាប់​សាធារណៈ​និង​ប៉ះពាល់​ដល់​វិស័យ​ទេសចរណ៍​ទៀតផង​។​

​ជាមួយគ្នា​នោះ​ដែរ លោក​សាន ស៊ានហូ អភិបាល​នៃ​គណៈ​អភិបាលក្រុង​ប៉ោយ​ប៉ែត បាន​ហៅ​ម្ចាស់​កាស៊ីណូ​ទាំង​២​ខាងលើ​មក​ព្រមាន​ខ្លាំងៗ​នោះ​មុខ​មហាជន​ជាច្រើន​អ្នក​ថា ចាប់ពី​ពេលនេះ​តទៅ​ខ្ញុំ​មិន​យល់​អស់លោក​ណា​ទាំងអស់ កុំ​ថា​អ្នក​ឯង​មាន​ខ្នង​ក្រាស់​មក​ពី​លើ​មេឃ​ប៉ុណ្ណា​ក៏​ដោយ​គឺ​យើង​ត្រូវតែ​ធ្វើ​ឱ្យបាន បើសិនជា​អស់លោក​មិន​ព្រម​អនុវត្ត​តាម​បទបញ្ជា​ខ្ញុំ​ក៏​មាន​សិទ្ធរ​ករឿង​អ្នកឯង​តាម​ផ្លូវ​ច្បាប់​ដែរ​។​

​ដោយឡែក ម្ចាស់​កាស៊ីណូ ឡាក់​គី ដែល​កំពុង​លួច​ធ្វើ​របង​ជាប់​និង​ផ្លូវដែក​ថ្មី​នោះ​គឺ​លោក​បាន​ព្រមាន​ដល់​តំណាង​ក្រុមហ៊ុន​ថា ត្រូវ​តែ​ម្ចាស់​ក្រុមហ៊ុន​លុប​គំរោង​ធ្វើ​របង​នេះ​ចេញ​ជា​បន្ទាន់​ហើយ​ធ្វើ​សួនច្បារ​ឱ្យបាន​ស្អាត ជំនួស​វិញ​ឱ្យ​ខាន​តែ​បាន​។​

​លោក​បាន​បញ្ជាក់​ចុងក្រោយ​ប្រាប់​ម្ចាស់​កាស៊ីណូ​ឡាក់​គី​ថា​៖ «​បើសិនជា​លោក​នៅតែ​រឹងទទឹង លោក​និង​សើរ​រើ​ឡើង​វិញ​នៅ​សំណង់​ដែល​ធ្វើ​គ្មាន​ច្បាប់រ​ហូត​បាន​ជោគជ័យ​»​មកដល់​ពេល​នេះ​ក្រោយ​មក​តំណាង​ម្ចាស់​កាស៊ីណូ​ឡាក់​គី បាន​សន្យា​នៅ​មុខ​អភិបាលក្រុង​និង​ពលរដ្ឋ​ថា​លោក​និង​ធ្វើ​ទៅ​តាម​ការណែនាំ​របស់​លោក​អភិបាលក្រុង​ទាល់តែ​បាន​៕

 

Filed in: ខេត្តបន្ទាយមានជ័យ

Recent Posts

Bookmark and Promote!

© 2018 ឆន្ទៈខ្មែរ | Chhantak Khmer News. All rights reserved. XHTML / CSS Valid.