​គ្មាន​ការអៀនខ្មាស​សោះ​បីត្រកង​ក្មួយ​ស្រី​ទៅ​រំលោភ​

​ខេត្ត​ស្ទឹងត្រែង ៖ ជនសង្ស័យ​ម្នាក់​ត្រូវបាន​កម្លាំង​នគរបាល​ព្រហ្មទណ្ឌ​កម្រិតធ្ងន់​ស្នងការដ្ឋាន​នគរបាល​ខេត្ត​ចាប់ខ្លួន​ក្រោយ​ចាប់រំលោភ​ក្មួយ​ស្រី​បាន​សម្រេច​កាលពី​ថ្ងៃ​ទី​២៦​ខែវិវ្ឆិកា​ឆ្នាំ​២០១៧​ស្ថិតនៅ​ភូមិ​ច្រប់ ឃុំ​ក្បាល​រមាស ស្រុក​សេ​សាន​។​

​នគរបាល​ការិយាល័យ​ព្រហ្មទណ្ឌ​កំរិត​ធ្ងន់​អោយដឹងថា​ជនសង្ស័យ​និង​កុមារី​រងគ្រោះ​ត្រូវ​ជា​ពូ​និង​ក្មួយ​រស់នៅ​ភូមិ​ឃុំ​កើតហេតុ​ខាងលើ ។​

​នគរបាល​ដដែល​បន្ត​ថា នៅ​ថ្ងៃកើតហេតុ​ឪពុក​ម្តាយ​ក្មេងស្រី​រងគ្រោះ​ចេញពីផ្ទះ​ទៅ​ធ្វើស្រែ​ចំការ ។ ក្រោយមក​នៅ​វេលា​ម៉ោង​២៣​និង​១០​នាទី​កុមារី​រងគ្រោះ​បាន​ដេកលក់​នៅ​ផ្ទះ​របស់​ខ្លួន​ឆ្លៀត​វេលា​ស្ងត់​ជនសង្ស័យ​បានឡើង​ទៅទៅ​ចាប់​ក្មួយស្រី​ទាំង​ដេកលក់​នាំ​ទៅ​រំលោភ​នៅព្រៃ​ក្រោយ​ផ្ទះ​លុះ​បានសម្រេច​។​

​មន្ត្រីនគរបាល​ប៉ុស្តិ៍​រដ្ឋបាល​ឃុំ​ក្បាល​រមាស ស្រុក​សេ​សាន អោយដឹងថា​ជនសង្ស័យ​មានឈ្មោះ​គៀង ពុ​ន ភេទ​ប្រុស​អាយុ​២០​ឆ្នាំ ជា​កសិករ​ត្រូវបាន​កម្លាំង​នគរបាល​ចាប់ខ្លួន​កាលពី​រសៀល​ថ្ងៃ​ទី​១​ខែ​ធ្នូ​ឆ្នាំ​២០១៧​ក្រោយ​ចាប់រំលោភ​ក្មួយ​ស្រី​បង្កើត​ទើប​អាយុ​៧​ឆ្នាំ​កាល​ពី​ថ្ងៃ​ទី​២៦​ខែវិច្ឆិកា​ឆ្នាំ​២០១៧​។​

ក្រោយ​ការចាប់ខ្លួន​ជនសង្ស័យ​បាន​សារភាព​ប្រាប់​សមត្ថកិច្ច​ងា​ខ្លួន​ពិតជា​បាន​ប្រព្រឹត្ត​ដូច​ការចោទប្រកាន់​ខាង​លើ​នោះ​មែន ។ បច្ចុប្បន្ន​ជនសង្ស័យ​ត្រូវបាន​បញ្ជូន​ទៅកាន់​អយ្យការ​អម​សាលាដំបូង​ខេត្ត​អម​ដោយ​សំណុំរឿង​៕

Filed in: ខេត្តស្ទឹងត្រែង

Recent Posts

Bookmark and Promote!

© 3798 ឆន្ទៈខ្មែរ | Chhantak Khmer News. All rights reserved. XHTML / CSS Valid.