ប្រកាស​ផ្លាស់ប្តូរ​ជា​ផ្លូវការ លោក​ឧត្តមសេនីយ៍ត្រី អ៊ុច សុខុន ជា​ស្នងការ​ខេត្ត​បាត់ដំបង​

ខេត្ត​បាត់ដំបង​៖  ស្នងការ​នគរបាល​ថ្មី​ខេត្តបាត់ដំបង ត្រូវបាន​ប្រកាស​ផ្លាស់ប្តូរ​ជា​ផ្លូវការ ដោយ លោក​ឧត្តមសេនីយ៍ត្រី អ៊ុច សុខុន ស្នងការរង​នគរបាល​រាជធានី​ភ្នំពេញ ត្រូវបាន​ប្រកាស​តែងតាំង​ជា​ស្នងការ​ថ្មី​ខេត្តបាត់ដំបង ជំនួស​លោក​ឧត្តមសេនីយ៍ទោ ស ថេត ដែល​ត្រូវបាន​ដំឡើង​ជា​អគ្គស្នងការ​រង​នគរបាលជាតិ ក្រោម​អធិបតីភាព លោក ចាន់ អ៊ាន អនុ​រដ្ឋ​លេធិកា​រ​ក្រសួងមហាផ្ទៃ ជា​តំណាង​សម្តេច​ក្រឡាហោម ស ខេង លោក ច័ន្ទ សុផល អភិបាលខេត្ត​បាត់ដំបង និង​លោក អ៊ុយ រី ប្រធាន​ក្រុមប្រឹក្សា​ខេត្ត នៅ​ព្រឹក​ថ្ងៃទី​៧ ខែ​កញ្ញា ឆ្នាំ​២០១៧ ។​

​យោង​តាម​សេចក្តីសម្រេច លោក​ឧត្តមសេនីយ៍ត្រី អ៊ុច សុខុន ស្នងការរង​នគរបាល​រាជធានី​ភ្នំពេញ ត្រូវបាន​ប្រកាស​តែងតាំង​ជា​ស្នងការ​ថ្មី​ខេត្តបាត់ដំបង ជំនួស​លោក​ឧត្តមសេនីយ៍ទោ ស ថេត ដែល​ត្រូវបាន​ដំឡើង​ជា​អគ្គស្នងការ​រង​នគរបាលជាតិ​។​

​ជាមួយគ្នានេះ លោក​ឧត្តមសេនីយ៍ត្រី អ៊ុច សុខុន ក៏​ត្រូវ​បាន​ប្រមុខរដ្ឋស្តីទី សម្តេច​វិបុល​សេនា​ភក្តី សាយ ឈុំ ចេញ​ព្រះរាជក្រឹត្យ​ដំឡើង​ឧត្តមសេនីយ៍ទោ (​ផ្កាយ​២)​ផងដែរ​៕

Filed in: ខេត្តបាត់ដំបង

Recent Posts

Bookmark and Promote!

Leave a Reply

Submit Comment
© 2018 ឆន្ទៈខ្មែរ | Chhantak Khmer News. All rights reserved. XHTML / CSS Valid.