​ក្រុមហ៊ុន​ចិន​មក​បើក​អាជីវកម្ម​នៅ​ស្រុក​ខ្មែរ​គួរ​ចេះ​គោរព​សិទ្ធិ​ម្ចាស់ផ្ទះ​ផង​

ស្វាយរៀង ៖ មហាជន​ក្នុង​ក្រុង​បាវិត នៃ​ខេត្ត​ស្វាយរៀង នៅ​ពេល​ថ្មីៗ​នេះ បាន​និង​កំពុង​នាំ​គ្នា​រិះគន់​មកលើ​ក្រុមហ៊ុន​របស់​ចិន​ដែល​បាន​មក​បើក​ធ្វើ​អាជីវកម្ម​នៅក្នុង​ប្រទេស​កម្ពុជា ប៉ុន្តែ​បែ​ជា​មិន​គោរព​ម្ចាស់​មាតុភូមិ ដោយសារ​ការ​តាំង​ផ្លាក​យីហោ​បែប​លក្ខណៈ​បរទេស​គឺ​មិន​សរសេរ​ជា​អក្សរ​ខ្មែរ​មួយ​តួ​ឡើយ បណ្តាលឲ្យ​មាន​ប្រតិកម្ម​ដ៏​ពុះកញ្ជ្រោល​ពី​សំណាក់​ប្រជា​ពលរដ្ឋ​តែ​ម្តង​។​

​ចំពោះ​ការសុំច្បាប់​បើក​ធ្វើ​អាជីវកម្ម​នេះ គេ​មិនដឹងថា​ម្ចាស់​ក្រុមហ៊ុន​ចិន​មួយ​នេះ បាន​សុំ​គោលការណ៍​ត្រឹម​ថ្នាក់​ណា​នោះ​ទេ​ទើប​ហ៊ាន​តាំង​ផ្លាក​យីហោ​សរសេរ​តែ​អក្សរ​បរទេស​បែបនេះ​។​

​យោង​តាម​មតិ​ពី​មជ្ឈដ្ឋាន​នានា​ក៏​បាន​លើ​ល​ឡើង​ស្រដៀង​គ្នា​ថា ធម្មតា​ជនបរទេស​ពិសេស​ជនជាតិ​ចិន​តែម្តង ពេល​ពួកគេ​មករក​ស៊ីនៅ​ស្រុក​ខ្មែរ ហាក់​ពុំ​សូវ​ចេះ​គោរព​កោតក្រែង​ឬ​គោរព​សិទ្ធ​បុគ្គល​ណា​ម្នាក់​ឡើយ ព្រោះ​គេ​សំអាង​លើ​ការទម្លាក់​ទន់រ​កសី​ុ​នៅ​ស្រុក​ខ្មែរ​យ៉ាង​ច្រើន​សន្ធឹកសន្ធាប់​។​ម្យ៉ាងទៀត​ជនជាតិ​ចិន​ពេល​បើក​ធ្វើ​អាជីវកម្ម​អី្វ​មូយ​នៅ​ស្រុក​យើង​ច្រើនតែ​កេង​យក​កំលាំង​ពលកម្ម​កម្មករ​ឬ​ដើរ​ខ្សែលើ​ចំពោះ​បុគ្គលិក​ខ្លួនឯង ហើយ​ករណី​នេះ​តែង​កើតឡើង​ជារឿយៗ​ផងដែរ​។​ទន្ទឹម​នឹង​មាន​ភាព​មិន​ប្រក្រតី​កើតឡើង​នេះ មហាជន​សំណូមពរ​ដល់​ស្ថាប័ន​ពាក់ព័ន្ធ​មេត្តាជួយ​ចុះមក​ត្រួតពិនិត្យ​រាល់​សកម្មភាព​របស់​ក្រុមហ៊ុន​ចិន​មួយកន្លែង ដែល​មាន​ទីតាំង​នៅ​ជាប់​កា​សី​ុ​ណូ ម៉ុក​បាយ ក្នុង​ក្រុង​បាវិត ខេត្ត​ស្វាយរៀង នេះ​ផង​។​

​គួររំលឹកថា ក្រុមហ៊ុន​ចិន​ខាងលើ កាល​ពី​សាងសង់​រួចរាល់​ភ្លាមៗ ក៏​បាន​តម្លើង​ប៉ា​យ​(​ផ្លាក​យីហោ​)​ដោយ​សរេសរ​ឈ្មោះ​ជា​អក្សរ​បរទេស​សុទ្ធសាធ ប៉ុន្តែ​មិន​បាន​ប៉ុន្មាន​ថ្ងៃ​ផង​ក៏​ត្រូវ​ប្រជាពលរដ្ឋ​នាំគ្នា​ចេញ​ប្រតិកម្ម​យ៉ាង​ពុះកញ្ជ្រោល ដោយសារ​ឃើញ​សភាព​មិន​ស្រួល ទើប​បុគ្គលិក​នៅ​ទីនោះ​ក៏​សម្រេច​យក​ក្រណាត់​ក្រហម​មក​បិទ​រុំ ដើម្បី​បំបិទ​ចោល​កុំឲ្យ​មាន​អ្នក​រិះគន់​បន្តទៀត​៕
​ណា​រិទ្ធ​

 

Filed in: ខេត្តស្វាយរៀង

Recent Posts

Bookmark and Promote!

Leave a Reply

Submit Comment
© 7765 ឆន្ទៈខ្មែរ | Chhantak Khmer News. All rights reserved. XHTML / CSS Valid.